İstehlakçı məmnuniyyəti sorğusu

İnformasiya Kommunikasiya Texnologiyaları Agentliyi (İKTA) tərəfindən sabit internet xidmətlərindən istifadə edən istehlakçıların xidmətlə bağlı təcrübəsinin və məmnunluq səviyyəsinin öyrənilməsi məqsədilə onlayn sorğu keçirilir. 23 iyul 2026-cı il tarixində başlamış sorğu 20 sentyabr 2026-cı il tarixinədək davam edəcəkdir.

Anonim qaydada keçirilən sorğu aşağıdakı məsələləri əhatə edir:

• internet bağlantısının sürəti və dayanıqlılığı;
• xidmətin qiymət və keyfiyyət uyğunluğu;
• texniki nasazlıqların aradan qaldırılması;
• operator və provayderlə kommunikasiya və müraciətlərin cavablandırılması.

Sorğunun nəticələri ayrıca göstərici kimi deyil, Agentliyə daxil olan müraciətlər, «E-Şikayət» sistemi vasitəsilə qeydə alınan şikayətlər, xidmət keyfiyyətinə dair texniki ölçmələr və monitorinq nəticələri ilə birlikdə təhlil ediləcəkdir.

Dəyərli abunəçilərimizi sorğuda iştirak etməyə və rəylərini bildirməyə dəvət edirik.